Kransinn bleggur og bleggur

Svei mér þá

2008-08-23T13:35:00.001Z

Sussubía og já

Slaka á. Læt mig líða inn í eilífðina. Sný mér við og sé ekki neitt.

Heimkoma

2007-07-23T14:09:00.000Z

Ég kom til landsins kl. 22:30 í gærkvöldi eftir langt ferðalag frá Kenýu. Ég hef sjaldan verið eins feginn að koma heim eftir utanlandsferð. Ekki það að ferðin hafi ekki verið einstök, heldur frekar það að þreyta var farin að segja til sín. Fátækt er mikil í Kenýa og var mikið um áreiti, frá sölumönnum sem vildu selja manni ýmsan varning. Var maður orðinn frekar þreyttur á þessum hansakaupmönnum. Ekki bætti úr skák að farið var inn á herbergi okkar Ödda og myndavélum okkar og vídeótökuvél hans stolið núna á fimmtudaginn í Mombasa. Auk þess hafði ég verið lítið eitt slappur, með hita og hausverk í nokkra daga þar á undan. Við létum þetta ekki á okkur fá og skelltum okkur á Bollywood mynd í Kenya Cinema kvöldið eftir. Annars er gott að geta drukkið vatn úr krana aftur.

Ég hef farið í 2 aðrar ferðir sem eru svipað langar og þessi; útskriftarferð til Kína 2004 og inter-rail ferð um Evrópu síðasta sumar en fann ég ekki fyrir jafnmiklum létti að koma heim eftir þær ferðir líkt og ég geri nú. Eru þar eflaust ýmsar ástæður að baki. Eymdin var töluverð sem maður sá þarna og hefur það áhrif á mann. Þó reyndi maður eftir bestu getu að láta það ekki á sig fá og reyna frekar að líta yfir stöðuna yfirvegað.

Ég mun birta ýtarlegri frásögn hér síðar. Sæl að sinni.

Let's all meet in Nairobi - let's all meet in Little Bees

2007-07-05T10:18:00.000Z

Jaeja nu er lidin taep vika af ferd minni til Kenya og margt buid ad gerast. Vid logdum af stad snemma a fostudegi og vorum komin til London Stansted eftir 3 tima. Fljotlega kom i ljos ad med okkur i for er akaflega skemmtilegur madur sem tokst ad tyna okkur a flugvellinum. Til ad na i farangurinn a flugvellinum tharf ad fara med lest stuttan spotta. Okkar madur var sidastur og leist ekki a blikuna ad fara i lest an farangurs sins og hljop thvi upp nokkra rullustiga a moti umferd. Hopurinn hittist tho allur ad lokum vid farangursfaeribandid

Fra Stansted tok vid long rutuferd til Heath Row flugvallar og flugum vid thadan um 8-leytid. Thad flug tok 8 tima og vorum vid komin um 6 leytid i Nairobi, hofudborgar Kenya.

Vid Oddi lentum i kroppum dansi i Nairobi, hofudborg Kenya. Vid akvadum ad skreppa nidur i bae einir sunnudaginn 1. juli. Advifandi kom skjotlega madur raedinn afar. Hann reyndist mjog forvitinn um landid okkar og hvad folk gerdi thar. Eftir stutt spjall spurdi hann okkur hvort vid vildum ekki thiggja ad setjast nidur og panta svaladrykk. Vid vorum til i thad. Sagdist hann vera politiskur flottamadur fra Zambiu og vantadi pening til Malawi. Eftir stutt spjall akvadum vid Oddi ad rett vaeri ad lata manninn hafa sma pening og lata thetta svo ekki koma fyrir aftur. Thegar vid hofdum latid manninn fa peninginn birtust tveir threknir menn og sogdust vera fra logreglunni og syndu okkur skilriki. Their sogdu okkur ad skipta okkur ekki af politiskum malefnum i Kenya og sogdu jafnframt ad madurinn hefdi haft dop og falsada peningasedla i forum sinum og vildu fa ad skoda veskin okkar. Tha sogdum vid stopp enda vissum vid ekki hvort their voru alvoru logreglumenn. Fengum vid tha ad fara. Hafa thessir 3 an efa verid i slagtogi.

A manudegi 2. juli heimsottum vid barnaheimili i einu af morgum "slummum" i uthverfi Nairobi. Thad var atakanlegt ad ganga um fataekrahverfid og sja hvernig folkid lifdi. Inni i thessu fataekrahverfi rekur kona ein (Mama Lucy) asamt fleiri barnaheimilid Little Bees fyrir um 200 born, skildist mer. Born thessi eru foreldralaus en fara i skola hja Lucy og folkid thar annast thau. Bornin toku a moti okkur med song og okkur var gefid vatn og kaka. Vid letum krakkana fa fot, stilabaekur og fleira dot. Aldrei hafdi svona stor hopur komid tharna i heimsokn adur (12 manns). Thetta var olysanleg stund. Bornin voru svo glod og voru alltaf ad segja "How are you" og foru svo ad hlaeja.

Nu erum vid stodd i Nakuru og forum i gaer i Lake Nakuru thjodgard og saum alls konar dyralif.

Her i Kenya verdur madur bara ad gera eins og Kenyabuar gera. Her brosa allir og heilsa manni "Jambo" og madur er farinn ad gera thetta ad fyrra bragdi. Eg hef dansad vid 2 stulkur her og kynnst annarri adeins. Madur verdur bara ad blanda ser i hopinn;)

A morgun forum vid svo ad skoda barnaheimili her i Nakuru

Her er svo ferdablogg maedgnanna Gigju og Rosu ur thessari ferd.

Bless ad sinni

Ha ku ma na tata

Kenýa

2007-06-28T23:17:00.000Z

Kynningin gekk bara nokkuð vel - betur en ég þorði að vona í það minnsta.

Í fyrramálið fer ég svo til álfunnar bláu og er ég að verða búinn að pakka niður. Búinn að kaupa mér töflur og fara í fullt af sprautum. Keypti mér Lonely Planet guide og mun lesa hann á leiðinni. Flug til London er 7:50 í fyrramálið og er lent kl. 10:45 að staðartíma í London Stansted. Þaðan liggur leiðin á Heathrow flugvöll. Flug þaðan er svo kl. 19:15 á morgun og er lent kl. 6:05 að staðartíma í Nairobi, höfuðborg Kenýa. Þetta er sem sagt tæplega sólarhrings ferðalag og er flugið frá London til Nairobi 9 tíma langt.

Ég mun reyna að blogga eitthvað meðan ég er úti.

Fyrirlestur

2007-06-26T17:28:00.000Z

Jæja, ég kynni verkefnið mitt fimmtudaginn 28. júní, kl. 15:00 í VR II, Hjarðarhaga 6, stofu 157. Þeir sem vildu minnast mín eru velkomnir. Verkefnið fjallar um hönnun og greiningu á stíflumannvirki með þéttidúk. Daginn eftir flýg ég svo til London og þaðan til Kenýa og kem ekki aftur fyrr en 22. júlí.

Skil

2007-06-21T13:18:00.000Z

Jæja - skilaði loks af mér ritgerðinni í morgun. Þessu seinkaði smá hjá mér en það kemur ekki að sök. Næst á dagskrá er svo að halda kynningu en það verður gert í næstu viku og auglýst hér síðar.

Af heilsufarsástandi þjóðar

2007-06-15T00:10:00.000Z

Ýmsir kvillar hrjá nútímamanninn. Lengi vel var þágufallssýkin svokallaða heilsu manna afar hættuleg og voru menn ósjaldan rúmliggjandi marga daga fyrir hennar sakir. Eftir að bólusetning fannst fyrir henni virðast bara nýir kvillar koma upp á yfirborðið. Veikbeyging á sögnum virðist þessa dagana t.a.m. ná að freista margs góðs mannsins. Má efalaust rekja tilurð tíðni þessarar áráttu til aukinnar upptöku erlendra orða í íslenskt mál. Tökum til að mynda sögnina að blogga sem dæmi. Einhverra hluta vegna virðist fólki það tamara að lýta sögnina með veikbeygingu á eftirfarandi máta
blogga - bloggaði - bloggað
í stað þess að leyfa henni að njóta fallegra íslenskra beygingarreglna til fulls svo
blogga - blagg - bluggum - bloggið
Ég vil bjóða öll ný sagnorð velkomin til landsins en með því skilyrði að þau lúti íslenskum beygingarreglum og beygist sterkt hvar sem því verður við komið og helst í hvívetna.

Annað dæmi úr netheimum er sögnin að gúggla og beygir þorri manna svo
gúggla - gúgglaði - gúgglað
þegar hún beinlínis hrópar á okkur að vera beygð
gúggla - gauggl - gugglum - gogglið
Þetta segir sig eiginlega sjálft ef málið er skoðað í rólegheitum. Nóg er til af ljótum veikbeygðum sögnum í íslenskunni og er hreinlega ekki í það ómerkilega mengi sagnorða bætandi.

Ást mína á sterkbeygðum sögnum fékk ég í grunnskóla hjá síra Geir Waage sem kenndi mér í forföllum Þorvaldar Pálmasonar og e.t.v. fleiri og kann ég honum miklar þakkir fyrir að hafa fyrir mér upp lokið dyrum að þeirri paradís sem heimur sterkbeygðu sagnarinnar óneitanlega er.

Ég hvet hér með þá lesendur sem haldnir eru veikbeygingarblæti eður -losta að berjast og falla ekki í freistni. Ég get lofað þeim því að þegar þeir uppgötva fegurð sterkbeygingarinnar munu þeir líta á veikbeygingarlostann er þeir voru haldnir sem hluta af ákveðnu tímabili í lífi sínu sem sé einfaldlega lokið. Líta má á það sem ákveðið þroskamerki að hverfa frá þeirri fásinnu að veikbeygja allt sem á vegi manna verður.

Kastljós

2007-06-09T16:31:00.000Z

Djöfull var hann ósmekklegur kastljósþátturinn á fimmtudag. Dauð ljón til sýnis og morðingja þeirra hampað. Held það væri nær að stinga honum í fangelsi. Maðurinn á ekkert með að ryðjast inn í heimkynni kattanna, blóðþyrstur, til þess eins að myrða þá. Þetta var ógeðslegur þáttur.

Gilitrutt

2007-06-03T15:08:00.000Z

Það er alltaf gaman að rifja upp gömul ævintýr.

Dro-ho-ttinn, - miskunna þú o-oss

2007-06-02T21:39:00.000Z

Ég verð guðlausari með hverjum deginum sem líður. Ég hef reyndar ekki trúað á guð frá því ég var barn . Ég og Siggi vinur minn töldum hugmyndina um guð fráleita frá því að ég var kannski 10 ára eða jafnvel yngri - man það ekki. Man vel eftir því þegar hann og Halldór Örn stofnuðu eigin trúarbrögð þar sem guðinn Íha réði öllu. Ég fór í sunnudagaskóla fram að svona 6 ára aldri og kristinfræðslu fékk ég í grunnskóla. Ég fermdist meira að segja þó svo að ég hafi fullkomlega viðurkennt það fyrir sjálfum mér að ég tryði eigi á tilvist Jehóva. Mig langaði bara í pakka og skammaðist mín ekkert fyrir það.

Ég lét svo verða af því fyrir tæpu ári að skrá mig úr þjóðkirkjunni. Ég hefði eflaust ekki gert það ef ekki væri vegna kynhneigðar minnar (svo hún komi nú enn einu sinni fram:)). Biskup gerði okkur fyllilega ljóst að hann vill ekki ást samkynhneigðra í kirkju sinni þegar hann fór að tala um ruslahaugana í þessu samhengi. Ég lái þessum mönnum ekki. Þetta er þeirra siðferði og ég sætti mig alveg við þeirra skoðanir einfaldlega vegna þess að ég hafna kristni. Þegar niðurstaða prestaþings lá fyrir hvað varðar hjónavígslur samkynhneigðra varð ég ekkert reiður, miður mín eða neitt í þeim dúr. Ég fann ekki fyrir neinu og fannst þetta mér óviðkomandi. Ekki er ég sár Geir Waage frænda mínum þó að hann telji kristið hjónaband eiga við um karl og konu. Svo má vel vera.

Ég var svo lánsamur að hafna kristni í æsku. Ef ég væri trúaður ætti ég erfiðara með að sætta mig við eigið hlutskipti í lífinu.

Vissulega fyrirfinnast kristnir samkynhneigðir einstaklingar sem eflaust þrá ekkert heitar en að giftast í kirkju. Ég tel samt að betra sé fyrir þá að yfirgefa þjóðkirkjuna og finna sér samastað þar sem þeir eru velkomnir (t.d. hjá frjálslyndari kirkjum) til að staðfesta ást sína frammi fyrir guði ef það er þeim mikilvægt. Ég hef aldrei talið mig þurfa að staðfesta ást mína frammi fyrir neinum nema þeim sem henni er ætlað.

Leti

2007-06-02T15:37:00.000Z

Búinn að vera fulllatur síðustu tvo-þrjá daga. Þarf að drattast aftur í sama gírinn og ég var í og ljúka þessu verkefni í eitt skipti fyrir öll - þá fyrst kemur sumarið.

Atli góður

2007-06-01T15:42:00.000Z

Sá það í fréttablaðinu í morgun að Atli Gíslason femínisti og þingmaður vinstri grænna hefði ekki mætt í messu í dómkirkjunni við setningu nýs Alþingis. Þetta gerði hann til að sýna samkynhneigðum stuðning, en ríkiskirkjan vill ekki að samkynhneigðir fá að giftast hver öðrum hjá sér, nema þá hugsanlega að hommi fengi að kvænast lesbíu. Þessi helgiathöfn Alþingismanna er reyndar kjánaleg í landi sem í ríkir trúfrelsi.

Því ber að fagna af þessu tilefni að ný ríkisstjórn hefur í hyggju að leyfa trúfélögum að ráða því hvort þau gefi saman samkynhneigð pör eður ei. Ég tek það fram að ef þjóðkirkjan eða önnur trúfélög vilja ekki gefa saman samkynhneigð pör er það þeirra mál. Það er hins vegar spurning hvort ríkisrekin kirkja megi með góðu móti neita að gefa saman samkynhneigð pör ef í landslögum verða tekin upp sömu hjúskaparlög fyrir sam- og gagnkynhneigða. Komi sú staða upp er hér komin góð ástæða til einkavæðingar á ríkiskirkjunni. Geta þá útrásar- og athafnamenn Íslands boðið í kvikyndið þyki þeim það fýsilegt og/ellegar gróðavænlegt.

Annars líst mér ekkert á ástand mála í Venesúela, þegar kommúnistinn og forsetinn Hugo Chavez er farinn að loka niður hverri sjónvarpsstöðinni á fætur annarri vegna þess að honum líkar ekki það sem stöðvarnar færa lýðnum, svo ég fjalli nú um önnur mál. Þetta minnir á ógnarstjórnina í Kína.

Kynning

2007-05-30T18:02:00.001Z

Á morgun stendur svo til að kynna ósköpin sem ég hef verið að vinna að síðan um jól, mastersverkefnið mitt. Er í óðaönn að útbúa power-point-show fyrir morgundaginn. Ég stafn annars moggablogg um daginn. Ég stafn bloggið einungis til að geta agnúast í Jóni Vali besta vini mínum þar sem mér ofbauð skrif hans um hómósexúalista. Býst þó ekki við að ég flytji skrif mín á moggabloggið þar sem ég kann ágætlega við mig hér, en maður veit þó aldrei.

Lærdómur

2007-05-27T20:27:00.000Z

Það er frekar skrýtin tilfinning að vera einn í VRII að læra. Húsið er mannlaust ef ég er undanskilinn. Mér líður næstum eins og ég sé einn í heiminum. Sólin hefur skinið í dag en ég hef reynt að forðast að hugsa um það, einbeittur við lyklaborðið. Sumarið er ég farinn að sjá í hyllingum - sumarið með antílópunum, gnýunum og bleiku flamingófuglunum í Kenýa.

Uppfæring: Einn hefur bæst í hópinn og erum við nú a.m.k. tveir hér í húsinu. Mér líður mun betur.

Vetur

2007-05-21T09:49:00.000Z

Nú virðist vetur vera að ganga í garð í Reykjavík. Í morgun snjóaði nefnilega á mig á minni göngu í skólann. Varð mér kalt af, enda húfu- og vettlingalaus þar sem sumar á víst að heita komið. Verið hefur mun kaldara undanfarna daga og ekki síst morgna en fyrir u.þ.b. mánuði og jafnvel þó lengra aftur í tímann sé leitað. Tel ég að hér séu hin alræmdu gróðurhúsaáhrif að verki. En þau hafa hrekkt margan manninn á síðustu árum.
Stjórnarmyndunarviðræður Sjálfstæðisflokks og Samfylkingar virðast ganga vel , en foringjarnir eru, svei mér þá held ég bara, orðnir ástfangnir. Af þeim var birt mynd í Fréttablaðinu í morgun að kyssast og kjassast. Geir rak rembingskoss beint á munninn á Ingibjörgu og virtist hún ánægð að sjá. Svona er klámvæðingin orðin mikil í samfélaginu.

Sei sei já og mikil ósköp

2007-05-19T20:52:00.000Z

Nú er ég allt að því einn eftir hér í skólanum. Allir hafa lokið prófum og eru farnir á fyllerí en ég þarf að klára eitthvert meistaraverkefni og það hið snarasta. Verkefnið snýr annars að stíflugerð í Neðri Þjórsá, umhverfissinnum væntanlega til mikils yndisauka. Þegar ég hefi náð að klára þessa ritgerð býst ég við ég verði ölur næstu vikur á eftir, linnulaust, og fari svo að vinna.

Cannibal Corpse

2007-04-19T15:21:00.000Z

Sakir ferðar minnar til álfunnar bláu kemst ég ekki á dauðarokkstónleika Cannibal Corpse þann 30. júní 2007 á Nasa. Hér með auglýsi ég því miðann minn á fyrrnefnda tónleika til sölu. Þeim sem vildu kynnast sveitinni er bent á eftirfarandi vefsíðu: http://www.cannibalcorpse.net/
Svo mörg voru þau orð.

Ungdómshúsið og Kenýa

2007-03-11T15:23:00.000Z

Ungdómshúsið í Kaupmannahöfn er staðsett um það bil 700 metrum frá mínu gamla heimili á námsárum mínum í Danmörku. Aldrei sté ég þó fæti þar inn og vissi í raun ekkert um það eða að það væri einu sinni til. Nú er búið að rífa þetta hús niður. Mér finnst svolítill missir af því að hafa ekki verið þarna á meðan á þessu stóð. Það er alltaf dálítil fullnægja sem fylgir því að fá að vera áhorfandi að svona löguðu.

Annars er ég líklega að fara til Kenýa í júlí að skoða ljón o.fl. Þetta verður u.þ.b. 10-20 manna hópur sem fer til álfunnar svörtu. Fólk á vegum hjálparsamtakanna Vinir Kenýa er að skipuleggja þessa ferð en hún er opin öllum. Starf hjálparsamtaka á svæðinu verður skoðað, farið í þjóðgarða o.fl.

Enn af kvenhundum

2007-02-24T17:27:00.000Z

Eins og ég hef áður sagt er íslensk pólítík leiðinleg. Jafn framt hefi ég komist að því að ég þarf að finna mér nýjan flokk að kjósa fyrir næstu kosningar ef Vinstri græn ætla að halda sig við þá fásinnu að binda jafnt hlutfall kynja á Alþingi í stjórnarskrá og að sama skapi verði jafnt hlutfall kynja í stjórnun fyrirtækja lögbundið. Eg vil ekki heyra minnst á svona bull. Má ekki að sama skapi tryggja að 5% Alþingismanna og 5% í stjórn hvers fyrirtækis í landinu séu samkynhneigð eins og minnst var á í Kastljósinu síðasta mánudag? Þessi kynjaumræða er komin út í bull. Jákvæð mismunun er ágætt stýritæki til að beina konum inn á framabrautina en að ætla að tryggja konum helmingshlut í hverju einasta fyrirtæki á landinu er rakin vitleysa. Eins og mér hefur líkað vel við þennan flokk hingað til, að mörgu leyti, er ég mjög ósáttur við þessa firru.

Ef ég ákveð að stofna fyrirtæki með einum vini mínum af fallegra kyninu ber mér væntanlega skylda til að finna konur til að stjórna fyrirtækinu með okkur. Kannsi myndi ríkið útvega mér þær. Fyrirtæki foreldra minna er að 1/6 hluta í eigu kvenmanns (móður minnar) og vænti ég að fleiri kvenmenn þyrftu að koma þar að í kjölfarið. Kannski væri nóg að senda Gísla Sverris og Sigga á Hellum í kynskiptiaðgerð?

Eg held ég skili auðu í vor nema ég stofni kannski Anarkistaflokk Islands.

Af pólitík og öðrum kvenhundum

2007-02-08T21:37:00.000Z

Mér leiðist pólitík á Íslandi í dag. Hún fjallar aldrei um neitt merkilegt. Þetta er bara eitthvert framapot hjá athyglissjúku fólki. Engar hugsjónir og ekki neitt, nema þá helst hjá Vinstrihreyfingunni grænu framboði og jaðarmönnum í Sjálfstæðisflokknum.
Svo eru að koma einhver ný öfl sem mikið er fjallað um í fjölmiðlum þessa dagana. Þar má nefna aldraða og öryrkja, mögulegt framboð Margrétar, hugsanlegt framboð Jóns Baldvins, eitthvert framtíðarland Ómars Ragnarssonar og eflaust fleira. Allt eru þetta hugsanleg framboð en með voðalega fá ný stefnumál á hinu pólitíska litrófi íslenskra stjórnmála.

Ég legg hér með til hugmyndir um nokkrar nýjar stjórnmálahreyfingar. Ég vil að Frjálshyggjufélagið bjóði sig fram svo frjálshyggjuarmur Sjálfstæðisflokks geti fundið sig. Einnig vil ég að Forsjárhyggjufélagið verði stofnað sem mótsvar við Frjálshyggjufélaginu. Meginstefna þess gæti verið að Ríkið sjái algjörlega að hugsa fyrir almúginn svo hann þurfi ekki að hafa áhyggjur af neinu og geti lifað hamingjusömu lífi vegna þess að hann þarf ekki að hafa fyrir neinu.
Önnur samtök vil ég að verði stofnuð sem gætu heitað Framtíðarlandið og væri þeirra helsta stefnumál að drekkja miðhálendinu með öllum tiltækum ráðum. Reistur yrði stór og langur stíflugarður umhverfis miðhálendið svo hægt væri að mynda stórt uppistöðulón fyrir stærstu virkjun í heimi. Síðan yrði álver, Sólver og Pólver(ji) í hverjum firði og allir yrðu ríkir.
Einnig vil ég að flokkur Anarkista bjóði sig fram en hann gæti haft það helsta markmið að kæmust þeir til valda myndu þeir leggja niður Alþingi, stjórnarráðið, lögreglu og allt það er talist getur vera Ríkisvald. Engar reglur eða lög fengju að gilda og hver og einn fengi að ráða því sem hann gerði óáreittur.
Þá væri nú fjör í pólitíkinni blessaðri.
Meira dettur mér ekki í hug í bili og kveð að sinni.

Neysluhyggja

2006-10-11T13:14:00.000Z

Góður og þarfur pistill hér á múrnum:
http://www.murinn.is/eldra_b.asp?nr=2111&gerd=Frettir&arg=7

En lille historie fra Köbenhavn

2006-09-12T22:03:00.000Z

En dag da jeg stod op opdagede jeg at alle mine pladedragere var væk. Jeg blev meget overrasket og lidt nervös. Jeg ringede straks til min ven Helge og spurgte ham, om han vidste om alle mine smaa smukke pladedragere.
Helge sagde: "Hvad siger du? De kan ikke være væk. De maa ligge ved siden af kassedragerene ligesom de altid gör."
"Nej, det gör de ikke. Det var det jeg troede da jeg opdagede at de var væk. Men saa kiggede jeg paa pladsen ved siden af kassedragerene og de stod ikke der, ligesom de altid gör. Hvad maa jeg göre, Helge?"
"Jeg ved det ikke." Sagde Helge. "Maaske er bedst for dig og raabe höjt: "Pladedragere, hvor er I?""
"Det maa jeg lige göre." Sagde jeg og gjorde det med det samme.
"Nej, nej! Raab ikke i telefonen! Har du jord i hovedet, for fanden mand?"
"Naah, undskyld jeg kunne jo ikke vide, at du ikke mendte at raabe i telefonen. Vi maa mödes og hente pladedragerene, Helge." Sagde jeg.
"Ok, det skal vi göre, men först maa jeg spise noget smörrebröd."

Klokken 10 mödtes vi paa Raadhuspladsen og jeg sagde til Helge:
"Jeg er sulten. Lad os lave noget mad?"
"Hvad!" Sagde Helge. "Kan du ikke bare spise nogle pölser? Der staar en pölsemand. Gaa hen til ham og bestil en röd pölse."
"OK." Sagde jeg og gik hen til pölsemanden. Hans navn var Jan Jansen.
"Hej, Jan pölsemand. Maa jeg bede om en röd pölse?"
"Vil du ikke hellere faa vores nye pölser?"
"Ja, gerne med lög og sennep, tak!" Sagde jeg og vidste ikke hvad det var, jeg havde gjort.
Saa fik jeg min pölse og da jeg begyndte at spise den opdagede jeg hvad jeg havde gjort.
"Nej!" Raabte jeg og spiste min lille pladedrager. "Hvad har du gjort, du fede dumme Jan pölsemand? Du har taget mine pladedragere og du sælger dem nu som nogen slags pölser. Jeg slaar dig ihjel. Ved du ikke at jeg elsker mine pladedragere? Skal du maaske ogsaa tage mine kassedragere?"
"Hvad!" Sagde Jan. "Hvad for noget. Jeg forstaar ikke. Hvad laver du?"
Saa tog jeg og Helge mine pladedragere og sat dem ved siden af kassedragerene hjemme hos mig og Jan fik at svömme i Söerne.

Komum bæði frá Kópavogi

2006-08-30T16:08:00.000Z

Já, það er gott að búa í Kópavogi. Ég hef fengið að kynnast því í sumar þar sem ég bý tímabundið hjá Jóni Óskari Kópavogsbúa. Íbúðin mín í miðbæ Reykjavíkur er nefnilega leigð út til loka þessa mánaðar.

Ég fór á Sandgerði um helgina með Ödda í veikri von um að sjá minnisvarða um Leoncie. Eigi varð ég að ósk minni og virtust bæjarbúar ekki einu sinni kannast við kauðu. Okkur tókst hins vegar að finna Voga á Vatnsleysuströnd en lengi vel töldum við að hugmyndin um þennan þéttbýliskjarna væri einungis uppspuni frá rótum. Við þurftum að keyra Vatnsleysutrönd um langa stund áður en Vogar komu okkur fyrir sjónir. Þar var að sjálfsögðu áð í Aðalsjoppunni og trópí og pepsí drukkið.

Batnandi manni er best að lifa

2006-05-27T06:59:00.000Z

Repúblikanann og lýðræðishetjuna George junior Bush sá ég í kvöldfréttum Ríkissjónvarps Íslands í gærkvöldi. Þar baðst hann afsökunar á nokkrum illa orðuðum yfirlýsingum sínum sem hann teldi að hefðu verið misskildar. Nefndi hann þar m.a. frasa á borð við "bring it on" og "wanted dead or alive". Hann vildi meina að þetta hefði verið betur látið ósagt og að hann hefði lært sína lexíu og að tjá sig á fágaðri máta en það er alltaf kostur fyrir forseta fyrirmyndarlýðræðisríkis á borð við Bandaríkin.

Þetta voru ánægjulegar fréttir. Fyrst að Bush getur iðrast og litið í eigin barm og séð sjálfan sig frá sjónarhóli annarra, jafnvel fólks frá fjarrænum löndum, er ég hreinlega farinn að trúa því að hver sem er geti það.

Vor

2006-03-24T15:33:00.000Z

Vorið kom í dag í Danmörku, a.m.k. hér í Kaupmannahöfn. Enn sjást nokkrir snjóskaflar en sólin skín og fólk er úti að spila boltaleiki með krökkunum sínum og borða pylsur hér í garðinum mínum. Aðrir fá sér ölsopa.

Ég fer í minn hinsta dönskutíma nú á eftir en ég hef fengið nóg af þessu og ætla að nýta síðustu mánuðina hér, í lærdóm við DTU og dægrastyttingar í stað dönskunáms.

Hygge

2006-03-23T16:36:00.000Z

Búinn ad fá nokkrar heimsóknir sídan sídast og skreppa til Hollands í menningarreisu. Hins vegar á ég alveg eftir ad heimsækja adra stadi í Danmörku en Kaupmannahöfn og næsta nágrenni.

Eva systir og co. litu vid í nokkra daga í sídasta mánudi og svo kom Sigrún einnig í heimsókn í eina og hálfa viku í febrúarmánudi. Eitthvad sást líka í hann Óla Helga. Mamma Heidars og madur kemur í næstu viku og foreldrar mínir og yngri brædur koma um páskana.

Ég er farinn ad tala flydende dönsku og ved uppi vid hvert tækifæri. Heimkoma er plönud 3. eda 4. júlí eftir Evrópureisu og Roskilde-hátíd.

Ég er farinn ad sakna thess ad glamra á hljódfæri en ég tók ekkert med mér hingad út.

Næstu helgi er árshátíd Félags Íslendinga vid DTU og er hún haldin í Jónshúsi. Sjálfur fer ég ekki á árshátíd en gæti látid sjá mig undir lok hennar eftir bjórkynningu og/eda tónleika med Bubba Morthens Noregs, Björn Berg.

Bless.

Det er min födselsdag i dag

2006-01-24T13:35:00.000Z

25 ára gamall í dag.

Við fluttum í nýju íbúðina á Nörrebro um áramótin. Lítil og skrýtin íbúð og það vantar í hana sturtu svo maður þarf að fara í sturtuhús í 10 mínútna göngufjarlægð (var að koma þaðan). Það er svipuð stemmning hér í Danmörku í þessu sturtuhúsi og er á Íslandi í sundlaugunum. Fólk kemur saman og ræðir málefni líðandi stundar í baðinu. Eini munurinn er sá að fólk er allsnakið hér og því er kynskipt. Jæja, best að gæða sér á afmæliskaffinu.

Sprechen Sie Deutch?

2005-12-22T12:08:00.000Z

Ja bitte, Ich spreche Deutch zer gut. Wo sind die Schwulenkneipen?

Við Heiðar vorum að koma frá Berlin, Deutchland í fyrradag. Ég notaði að sjálfsögðu hvert tækifæri til að æfa mína miklu þýskukunnáttu sem ég fékk í 10. bekk og bað margoft um Bratwurst und einen Bier, bitte.

Fólk var oft lengi að velta fyrir sér hvaðan við værum og fengum við að heyra minnst á lönd á borð við Pólland, Bandaríkin, Rússland, Noreg, Svíþjóð og Grænland. Einn hélt að við værum Amish-fólk frá Ameríkunni.

Við gistum á hosteli í Austur-Berlín við Friedrichstrasse sem er aðalverslunargata Mitte-hverfis í Austur-Berlín, og í raun aðalverslunargata Austur-Berlínar. Annan daginn okkar fengum við ókeypis túr um bæinn. Þar sáum við m.a. staðinn thar sem Hitler drap sig, leifar af Berlínar-múrnum, minnisvarða um Gyðingana sem voru drepnir í Seinni heimssyrjöldinni og fengum að heyra alla sorgarsögu Berlínarbúa í gegnum árin. Alveg hreint magnað. Við hittum náttúrulega tvær íslenskar stelpur í túrnum - og auðvitað könnuðust þær við eldri bróður minn, Pétur Má og fjölskyldu í Grindavík.

Um kvöldið fórum við svo á pöbbarölt um Austur-Berlín með leiðsögumanni. Farið var á fjóra pöbba og tvo clöbba. Við entumst bara í fjóra pöbba og 1 clöbb thar sem viss aðili var orðinn afar ölur sakir óhófs í neyslu ókeypis vodka frá ástralska leiðsögumanninum. Þetta var mjög alvöru, sérstaklega pöbb nr. 3 en thar spilaði þýsk rokkgrúbba í afar skuggalegu gömlu steinhúsi.

Leiðir okkar lágu til tveggja safna; gyðingasafns og hommasafnsins. Gyðingasafnið var rosalega magnþrungið og auk þess var ókeypis inn í það. Í því var farið í gegnum morðin á Gyðingum á tíma Hitlers. Samtals voru um 6 milljónir Gyðinga drepnar víða um Evrópu milli 1930 og 1945.
Schwules museum sýndi svo homma- (og lesbíu) menningu Berlínar frá því um 1800. Stór hluti af því var einnig tileinkaður Seinni heimsstyrjöldinni en Hitler lét drepa yfir 100.000 homma víða um Þýskaland og hommar voru auðkenndir með bleikum þríhyrningi.

Í Berlín er skemmtanalífi, verslun og flestu öðru dreift um allan miðbæinn, ef miðbæ á að kalla. Miðbærinn er nefnilega í raun 8 hverfi.

Þrjú homma- og lesbíu svæði eru í bænum og yfir 300 barir, veitingastaðir, búðir o.s.frv. sérstakalega ætlaðir til samkynhneigðra og vina. Við fórum m.a. á Babylon þar sem vart klæddir strákar dönsuðu á borðum, Bruno´s sem er stærsta hommabúð sem ég hef séð, Bear bar ætlaðan loðnum hommum í yfirvigt og Tom´s bar sem angaði af Rush og greddu.

Skemmtileg borg með mikla sögu. Tekur dálítinn tíma að læra á hana þar sem henni er ekki skipt í greinilegan miðbæ og hverfi í kring.

Venstre

2005-11-14T10:35:00.000Z

Á morgun er kosningar í Danmörku. Ég held ad flokkarnir Venstre og Konservative eigi í ríkisstjórnarsamstarfi nú, hugsanlega med ödrum flokki til. Thad skondna vid thetta er ad thetta er hægri stjórn, a.m.k. á danskan mælikvarda. Venstre er nefnilega hægri-flokkur. Flokkurinn Højre finnst hins vegar ekki á landinu. Radikal venstre er svo vinstrisinnadasti flokkur Dana, myndi ég ætla. Mér hefur verid bodid ad kjósa á morgun, sjáum til med thad.

Helgin fór í ad hanna brú og ad týna Heidari tímabundid. Hann fannst thó ad lokum en brúin er ekki fullhönnud.

Med venlig hilsen

2005-11-11T17:09:00.000Z

Vid erum ad flytja í annad húsnædi um áramót. Vid neydumst tví til ad kvedja hóru- og eiturlyfjahverfid okkar í Vesterbro og færa okkur í verkamanna-gettó í Nørrebro. Svo sem ekkert ad thví.

Ég bý sumsé rétt hjá Istedgade sem er kynlífs- og eiturlyfjagata Kaupmannahafnar, ansi huggulegt thad. Nokkrum sinnum hef ég lent í ad vera bodid kynlíf af kvenmönnum Istedgade og einu sinni var mér bodid kók og krakk thegar ég var á leid heim úr skólanum. Í fyrsta skipti sem portkona gekk ad mér áttadi ég mig ekki á thví hver hún væri. Thegar ég sá svo hver vilji hennar var sagdist ég vera samkynhneigdur. Glada konan afsakadi sig thá pent. Annars eru hórurnar frekar huggulegar ad sjá og flestar eru thær bláar á hörund.

Thad er svolítid um kareokestadi hér í Kaumannahöfn. Einnig eru stadir med juke-box vinsælir í hverfinu mínu. Ég hef ekki enn gerst svo frægur ad velja lag í juke-box en stefni á thad í náinni framtíd.

Gudný og kápan hennar

2005-10-25T14:01:00.000Z

Ég sit á bókasafni skólans míns og les mér til um hvernig stál og steypa verka saman, helvíti snidugt hversu vel thau geta unnid saman ef rétt er haldid á spödunum. En nóg af thví í bili.

Skólinn minn, DTU (Danmarks tekniske universitet), er ágætis skóli og ansi stór bædi hvad stúdentafjölda snertir sem og umfang í fermetrum. Byggingar eru lágreistar og tel ég enga theirra med fleiri en 2 hædir. Auk thess er mikid af grænum svædum á milli húsanna. Ég hef ekki gengid um allt svædid enda bý ég í u.th.b. 15 km fjarlægd frá skólanum eda í Vesterbro í Kaupmannahöfn. Skólinn var ad byrja aftur eftir viku hlé í gær. Thad var ágætt ad rífa sig úr sukkinu og fara ad lesa, skrifa og reikna aftur. Mjög mikid af útlendingum er í skólanum (sérstaklega Íslendingar). Í einum kúrsinum sem ég er í eru til ad mynda útlendingar í meirihluta.
Vid Heidar byrjum ekki í dönskunámi fyrr er 21. nóvember og er mér sagt ad thetta tiltekna námskeid sé mjög gott. Er ég farinn ad hlakka til ad ræda gáfuleg málefni á dönsku vid Dani, en flest thau dönsku samtöl sem ég á hlut í eru grunn. Um thessar mundir er Copenhagen gay and lesbian film festival í gangi í Kaupmannahöfn. Vid Heidar erum búnir ad fara á einar 4 myndir. Myndirnar eru misgódar eins og kannski edlilegt er. Ein var ansi gód, önnur var afar áhugaverd. Hygg á ad sjá nokkrar í vidbót, m.a. heimildamynd um George Michael. Vid rákumst á Gulla heimsborgara í bíóinu í gær, ansi snidugt thad.

Stefni á Svíthjódarreisu í brád, ádur en Rósa flýr Svíaveldi. Öddi leit í heimsókn med skólanum sínum fyrir nokkru og sýndi listir sínar á barnum Jailhouse, ansi gaman thad. Elli fór svo burt í dag eftir ad hafa gist í litlum ledursófa í rúman mánud og drukkid mikid af öli á hommabörum borgarinnar og fyrir framan sjónvarpid.

Nóg af mér og mínum í bili og held ég áfram ad lesa um hegdun stálbita undir flóknu skúfálagi.

Höfudborg Íslendinga

2005-09-29T09:20:00.000Z

Ég heyrdi ad Íslendingar versludu mest allra thjóda á Strøget. Kemur mér svo sem ekki mikid á óvart midad vid allan thann fjölda Íslendinga sem madur heyrir í á hverjum degi á Strøget.
Ellert Thór er í heimsókn um thessar mundir og sefur í litlum ledursófa í stofunni.
Ég er med tveim Íslendingum sem ég thekki í öllum tímum sem ég er í.
Stundum lídur mér ekki eins og ég búi í útlöndum. Kaupmannahöfn er í raun höfudborg Íslendinga. Enda er hún ædi.

Bjór á 1,95 DKr

2005-09-20T10:55:00.000Z

Lárus klakk mig sem thýdir ad ég eigi ad segja 5 hluti um sjálfan mig. Látum okkur sjá.

1. Ég er skiptinemi vid Danmarks Tekniske Universitet og kann vel vid mig í landi bauna en sakna thess thó ad drekka gott íslenskt bergvatn. Ég bý á 5. hæd í lyftulausu húsi í Vesterbro, København.

2. Ég er med skegg.

3. Bókin sem ég er ad lesa heitir "Soil Behaviour and Critical State Soil Mechanics" og er eftir engan annan en David Muir Woods, thann fræga jardtækni. Hin bókin sem ég er ad lesa heitir "Advanced Theoretical Soil Mechanics og er eftir hinn fræga Bent Hansen en eftir hann liggur einmitt "Hansen theory" eda "Hansen-jafnan".

4. Ég er axarmordingi eda lídur stundum thannig.

5. Ég horfi lítid á sjónvarp en reyni thess í stad ad drekka bjór.

Eftirtaldir fá klukk frá mér: Jóhanna systir, Siggi B, Haukur Blackmetal, Ingimar og Sunna.

Danskt símanúmer

2005-09-08T06:16:00.000Z

Ég hef fengid mér danskt símanúmer og mun nota thad medan ég er í Danmörku. Símanúmerid er:

+4523968533

Gódar stundir

Danmörk

2005-08-25T10:56:00.000Z

Jæja, þá er maður kominn út. Skiptinemavikan er búin að vera stanslaus bjórdrykkja. Byrjað að sötra skömmu eftir hádegismat og því haldið áfram fram eftir kvöldi. Í gær fengum við að sjá Christania. Það var mjög áhugavert að koma í samfélag þeirra. Samkeppni, peningar, laun, skattur og annað sem drífur áfram samfélagið okkar þekkist varla þarna. Þau hafa einn í því að sjá um ruslið, annar sér um póstinn, næsti smíðar o.s.frv. Alltaf bara einn sem sér um ákveðinn hlut, engin samkeppni, engin laun, bara greiði fyrir greiða. Þau trúa á ást en ekki peninga. Hins vegar mátti sjá að eldra fólkið var ansi sjúskað af allri cannabis- og bjórneyslunni. En þetta var hamingjusamt fólk. Á leiðinni út var búið að reisa stórt hlið sem á var letrað: "You are now entering the EU". Leiðsögumaðurinn sagði að þetta væri stolt Kaupmannahafnarbúa og get ég vel skilið það.
Ég er búinn að búa hjá Jóhönnu, systur minni síðan ég kom en flyt í íbúð í miðbænum á sunnudaginn. Íbúðin er rétt hjá Hovedbanagaarden og er ég því ekki mjög lengi í skólann sem er í úthverfinu Lyngby. Maður er búinn að kynnast fólki frá ýmsum löndum þó aðallega Evrópu. Ég fæ svo líklega hjól á föstudaginn.
Við Jóhanna fórum í sólbað á mánudaginn á Íslandsbryggju og versluðum föt fyrir lítinn pening á Strikinu. Það er rosalega mikið af Íslendingum hérna, eiginlega of mikið. Sem betur fer hef ég lítið talað við Íslendingana sem eru skiptinemar hérna. Maður á að kynnast fólki annars staðar frá þegar maður er úti. Ætli ég verði svo ekki búinn að skrá mig í Íslendingafélagið áður en yfir lýkur, humm.

Allt timbur sem kemur að steypu skal rjóðlað fúavarnarefni

2005-08-16T22:24:00.000Z

Fyrirsögn greinar þessarar sá ég á einni teikningu sem ég fór yfir í vinnunni um daginn. Sögnina að rjóðla hafði ég ekki heyrt um fyrr en gat ímyndað mér meiningu hennar af samhenginu. Engu að síður fletti ég henni upp í Íslenskri Orðabók. Ég fann hana að vísu ekki en sögnina að rjóða sá ég þar og er henni lýst svo:

rjóða rauð, ruðum, roðið, vh. þt. ryði (+rjóðaði, rjóðað) s 1 skáld. gera rautt með blóði. lita blóði 2 bera á, smyrja, maka >rjóða e-u á e-n roðinn LH ÞT 1 sem borið hefur verið á 2 sveipaður morgunroða, sólroðinn

Hér er merkingin líklega sú númer 2.
Þetta hefur sem sagt átt að hljóða svo:
Allt timbur sem kemur að steypu skal rjóðað fúavarnarefni.
Eða enn þá betra:
Allt timbur sem kemur að steypu skal roðið fúavarnarefni.

Svo fer ég væntanlega í úttekt á þakinu og get þá séð hvort smiðirnir hafi roðið timbrið fúavarnarefni.

Hægt væri að hugsa sér eftirfarandi setningu á stafsetningarprófi:
Þótt mennirnir ryðu timbrið fúavarnarefni af bestu gerð var enn þá ekki víst það þyldi kemísk sambönd sementsefjunnar.

Gay Pride

2005-08-05T16:04:00.000Z

Á morgun kl. 3 verður gengin Gay Pride gangan frá Hlemmi að Lækjargötu. Gott er að koma aðeins fyrr til að sjá þegar gangan leggur af stað. Gay Pride hátíðin eða Hinsegin dagar er ætluð öllum óháð kynhneigð fólks. Hvort sem þú ert samkynhneigð(ur), tvíkynhneigð(ur), þríkynhneigð(ur), gagnkynhneigð(ur), kynskiptihneygð(ur), karlkynhneigð(ur), kvenkynhneigð(ur), hvorugkynhneigð(ur), síkynhneigð(ur), alkynhneigð(ur), ókynhneigð(ur) eða sjálfkynhneigð(ur) þá ertu velkomin(n).
Annað kvöld verður svo ofur diskó á Nasa með Páli Óskari. Í kvöld verður hins vegar boðið upp á kynskipta dansleiki. Á Pravda verður strákakvöld en á Iðnó verður stelpukvöld. Opnunarhátðiðin er einnig í kvöld kl. 20:30 í Loftkastalanum. Nánari upplýsingar hér.
Hver veit svo nema Kransanum bregði fyrir á einum pallinum, kannski íklæddum kjól eður leðurþveng? Það er aldrei að vita.
Veit annars einhver hvar Shady Owens er í dag?

Lalli Jones

2005-07-29T13:30:00.000Z

Ég hitti Lalla Jones á Austurstræti í gærkvöldi þar sem hann sat á tröppum. Ég leit eitt augnablik á hann og heilsaði hann mér fyrir vikið og spurði hvort ég væri að koma úr Ríkinu því ég var með poka, sem reyndar var merktur 10-11, en ég var að koma þaðan, í hendi mér. Ég sagðist vera að koma úr téðri matvöruverslun. Þá tók hann í hönd mína og óskaði mér góðrar helgar. Þetta var nokkuð skondið.
Ég tók svo eftir að Kaffi Austurstræti er að loka. Það verður mikill söknuður að þeim klúbbi, enda heitur harla.

K32

2005-07-27T16:00:00.000Z

Tók út K32 steinsteypustyrktarstál um daginn í vinnunni. Það var ofur. Ég fór aftur á sama vinnustaðinn í dag en tók reyndar bara út K25. Hins vegar fékk ég tvo litla búta úr K32 járnum sem minjagripi að gjöf. Ég er að spá hvort ég eigi að byggja hús úr þeim eða nota þá bara sem lóð.

Burger King

2005-07-25T12:20:00.000Z

Fór í gær að snæða hamborgara er kallast Burger King. Keypti ég Big King. Ég hafði aldregi borðað slíkan hamborgara hér á landi fyrr og býst ekki við að gera mikið af því eftir kynnin. Flestöll hamborgaratilboðin voru án osts, beikons eða einhvers viðlíka. Hins vegar var manni boðið að bæta þessu aukaáleggi við og auk þess að stækka máltíðina. Ég pantaði að sjálfsögðu þann hamborgara sem var með osti á svo ég þyrfti ekki að greiða aukalega fyrir ostinn. Hamborgarinn reyndist frekar bragðvondur og úrvalið af grænmetinu sem fylgdi var lítið. Var hann og þurr. Franskarnar voru örugglega ekki unnar úr kartöflum. Þetta var sem sagt svipað og McDonald´s.
Við fórum þrír á hamborgarastaðinn og kostaði máltíðin um 1000 á mann enda stækkuðu þeir máltíðir sínar og bættu aukaáleggi við. Auk þess sem annar hinna pantaði lítinn hamborgara aukalega. Sá hinn sami er frá Svíþjóð og segir að þetta fáist fyrir u.þ.b. 500 krónur þar.

Ég þakka þeim sem á hlýddu.

Starfinn minn

2005-07-15T17:29:00.000Z

Var ég búinn að segja ykkur frá starfanum mínum. - Sennilega ekki. - Ég vinn sem eftirlitsmaður byggingarfulltrúa Kópavogs við úttektir á byggingarframkvæmdum. Ég er sem sagt pantaður af byggingarstjóra áður en steyptur er húshluti eða grafið er yfir jarðlagnir og annað í þeim dúr. Þá mætir Kransinn galvaskur á svæðið með hvítan hjálm á hausnum, málband í annarri og hallamál í hinni. Meðalaldur byggingarstjóranna er u.þ.b. 50 ár og gætu þeir því hæglega verið feður mínir ef hægt er að eiga fleiri en einn. Síðan er það mitt að dæma hvort verkið sé nógu vel unnið eður ei. Ég ákveð hvort þeir fái að steypa, grafa, múra eða annað slíkt eða hvort þeir fái rauða spjaldið og ég þurfi að koma aftur til þeirra í úttekt. Byggingarstjórarnir, sem flestir eru húsasmíðameistarar, þurfa sem sagt að hlusta á tuðið í einhverjum krakka með hvítan hjálm sem hefur unnið nokkur sumur í byggingarvinnu og jú reyndar numið byggingarverkfræði í þrjú og hálft ár og hlýða svo því sem hann segir. Já svona er vinnan mín.

Írskir dagar

2005-07-12T20:12:00.000Z

Fór til Akraneskaupstaðar á laugardaginn. Írskir dagar voru þar haldnir hátíðlegir. Öddi bauð til veislu í nýju íbúðinni sinni. Hann eldaði víst fram eftir öllu föstudagskvöldinu og langt fram á nótt og heppnaðist líka ljómandi hjá drengnum. Ýmsar tilraunir voru framkvæmdar með vín þetta kvöld. Eitthvert óbjóðs freyðivín sem verið var að kynna í Ríkinu, hvítvín on the rocks og hvítvín on the rocks með absolut vodka og hvítlauk. Sjálfur drakk ég Lager bjór.
Það var orðið ansi langt síðan ég datt í það á Akranesi og var það líka alveg helvíti gaman, eiginlega æðislegt. Ég faðmaði svona 709 manns á bryggjuballinu sem farið var á seinna um kvöldið. Einn strákur vildi endilega sýna vini sínum homma sem væri ekki kvenlegur. Ég þvertók fyrir þess konar sýningar og reyndi að koma honum í skilning um að ég væri ekkert sú-anímál. Ég og Bylgja rýndum í kynhneigð strákanna og fundum bara ansi marga homma, komumst eiginlega að því að Skipa-Skagi er samkynhneigður. Láll var ölur og kvartaði undan of mörgum faðmlögum við ókunnuga.
Sem sagt ansi gott í flesta staði.

Spánn

2005-07-09T10:30:00.000Z

Ég kom úr tveggja vikna ferð frá Spáni á mánudaginn var. Heimsókn til pabba Heiðars. Hann býr í smábæ sem heitir La Caniza og er rétt fyrir norðan Portúgal, nálægt borgunum Vigo og Orense. Svæðið heitir Galizia og þar talar fólk sitt eigið tungumál galizku sem er frekar lík portúgölsku. Heiðar var á staðnum er ég mætti þangað. Hann var búinn að vera á þriggja vikna ferðalagi með systur sinni um Evrópu. (Króatíu, Ítalíu o.fl.) Ég lenti í Porto í Portúgal svo segja má að eitt land hafi bæst við á heimskortið mitt. (England, Ísland, Spánn, Frakkland, Kína, Holland og Portúgal) Frakkland og Portúgal eru á gráu svæði en ég hef samt komið þangað. Tvisvar sinnum var mér boðið marihuana; annað skiptið var á hommastað í Madrid en hitt skiptið var í La Caniza. Þar var ég jafn framt spurður af hverju ég reykti ekki. Ég átti frekar erfitt að svara því en sagði að lokum ,,Los Islandais no fuman porros". Við Heiðar fórum sem sagt einu sinni til Madrid og gistum 3 nætur. Með okkur komu Sigrún og Steingrímur ektamaður hennar. Miðborg Madridar úði og grúði af hommum og lesbíum en við komumst fljótt að því að Gay Pride yrði helgina eftir og misstum við af þeirri hátíð. Ef við hefðum vitað af Gay Pride hefðum valið helgina til að fara þangað, en svona er þetta. Við kynntumst nokkrum hommum á börunum og skemmtistöðunum og rétt náðum í byrjunina á hátíðinni sem átti að vera sérstaklega stór þetta árið vegna þess að giftingar og frumættleiðingar samkynhneigðra voru samþykktar á spænska þinginu fimmtudag fyrir hátíðina. Þannig er nú það, Spánverjinn kominn fram úr okkur. Svona er að hafa Sósíalista við völd.
Ég smakkaði ýmist sjávarfang þó svo ég hafi einnig étið McDonalds og álíka viðbjóð þegar tími var naumur. Ég smakkaði Pollo (kolkrabba) sem var ekkert spes. Smokkfiskurinn var góður. Bacalao (saltfiskur) var á bragðið eins og íslenskur saltfiskur og var mér sagt að prófa hann frekar í Portúgal eða einhvers staðar annars staðar á Spáni (man ekki hvar) þar sem fiskinum væri sýnd mikil virðing og hann tilbeðinn. Geitin var ekki eins góð og íslenska lambið en hreindýrið var gott. Tortilla (eggja, kartöflu- og laukmix) var gott og iðulega étið. Svo át maður stundum langloku með skinku og osti (Bacadillo con jamón y queso). Svona er nú það börnin góð.
Heiðari tókst að týnast í eitt skiptið. Við fórum til Orense síðasta laugardagskvöldið, þ.e. fyrir viku að kveðja Jesus og Rósu. Heiðar drakk sig haugölvi og þegar við ætluðum heim fannst hann hvergi og svaraði ekki síma. Úr varð að við strunsuðum heim á bíl um 5-leytið. Heiðar hringdi svo um 9:30 og bað mig að sækja sig sem ég og gjörði. Allt endaði því vel.
Tvisvar sinnum brann ég en er nú að verða brúnn á þeim stöðum. Ég keypti nú ekki mikið á Spáni (Regnbogafána, regnbogaarmband, póstkort, brjóstnælu, 2 hvítvín og 2 rauðvín) Hins vegar keypti ég DVD og CD í fríhöfnum Íslands og Stansted)
Ég er svo að fara að keppa í Herra Önundarfjörður 2005 í kvöld en Öddi ætlar nefnilega að halda upp á íbúðina sína á írskum dögum.

Hryðjuverk

2005-07-08T12:25:00.000Z

Lesið þessa grein á Múrnum. Hún segir allt sem segja þarf.

Jamm og já

2005-06-19T14:07:00.000Z

Ég er að mála baðherbergið mitt hvítt en það var svona skemmtilega svart áður. Það er öllu vinalegra núna. Er jafn framt búinn að fúgaverja glugga og útihurðir mínar. Já, svona er það. Er svo að fara til Spánar á miðvikudaginn að heimsækja pabba Heiðars. Verð þar í tæpar 2 vikur. Fer svo til Danmerkur í ágúst til að nema verkfræði við DTU í 1 ár. Mig vantar hins vegar íbúð í Danmörku, svo ef einhver veit af lausri íbúð þar má sá hinn sami láta mig vita.
Er svo búinn að komast að því að ég er frægur þar sem það er mynd af mér framan á gay pride kortinu. Vissi ekki einu sinni af því.

Iron Maiden

2005-06-03T12:26:00.000Z

Ég á einn aukamiða á tónleika Iron Maiden þriðjudaginn 7. júní. Miðinn er á A-svæði. Ef einhverjir eru áhugasamir geta þeir kommentað á bloggið eða sent e-mail á drh@hi.is.

Enn af mannréttindum

2005-05-04T22:33:00.000Z

Mig langar til að benda ykkur á eftirfarandi síðu: www.siggavidis.blogspot.comÞetta er heimsíða fyrrverandi skólafélaga míns, Siggu Víðis, frá Akranesi. Sigga er að gera ótrúlega hluti í hinni svörtu Afríku. Hún er búin að ferðast víða um Afríku og reyndar Indland líka. Hún er í einhvers konar hjálparstarfi á eigin vegum og með Sameinuðu Þjóðunum. Hún er að biðja um peninga frá vinum sínum, kunningjum og öðrum Íslendingum svo hún geti hjálpað konu nokkurri að nafni Pamela í Úganda að kenna hárgreiðslu. Hljómar kannski skrýtið en eins og hún nefnir á síðunni sinni þann 15. apríl skiptir menntun gríðarlega miklu máli fyrir afkomu fólks á þessu svæði og eru konur almennt illa staddar í þeim efnum. Peningurinn fer í kaup á ýmsum hárgreiðslutólum og fleiru svo Pamela geti kennt á tólin o.s.frv. Ég vil minna ykkur á að peningur er mun verðmeiri þarna en hér heima. 500 kall sem fer í bjór á bar hér heima dugar í svo miklu meira í Afríku. Sigga biður um traust fólks því hún getur bara gefið upp eigin bankareikning 330-13-230037. Kennitalan hennar er 201179-3519.Einnig biður hún fólk um að gerast Vini Indlands eða Vini Afríku, þ.e.a.s. borga mánaðarlega 1500 kr. handa einu barni á öðru þessara svæða. Hún biður fólk að senda sér tölvupóst á sigridurvidis@yahoo.com ef það vill hjálpa til á þessu sviði.

Annars hvet ég ykkur til að skoða heimasíðuna hennar. Þann 15. apríl og 25. apríl fjallar hún um þessi mál. Hún tekur við peningum á reikninginn sinn út morgundaginn. Upphæðin skiptir ekki máli. Ef þið viljið hins vegar borga mánaðarlega getið þið sent hvenær sem er.Ég er sjálfur búinn að leggja 5000 krónur inn á reikninginn hennar og ætla að gerast vinur Indlands og auðvitað munar mig ekkert um þessar smáupphæðir. Þið getið treyst því að hún geri ekki neina vitleysu við peninginn. Hún kemur meðal annars annað slagið fram í útvarpi að segja frá ævintýrum sínum.

Þegar ég var lítill patti sá ég svona litla pappakassa með myndir af svöngum Afríkubörnum utan á. Ég hugsaði með mér af hverju þetta væri svona ósanngjarnt og af hverju enginn gerði neitt í þessu. Ég skildi ekki af hverju. Ég skil það ekki enn þá. Ég hef hins vegar sjálfur ekkert gert í þessum málum fyrr en í janúar ég hitti konu frá Unicef sem bauð mér að gerast heimsforeldri. Ég talaði dálitla stund við hana og féllst að lokum á að borga litlar þúsund krónur mánaðarlega. Minnsta mál í heimi.Það sem ég er að segja er að fólk þarf ekki sjálft að fara til Afríku til að hjálpa. Fjárhagslegur stuðningur gerir alltaf eitthvað. Ég væri hins vegar sjálfur til í það einn daginn að skreppa og veita hjálp mína.

Ég vona að mér hafi tekist að fá einhverja til þess að hugsa sinn gang því okkur munar svo lítið um þetta. Við höfum það nefnilega helvíti gott.

Hversu algeng er samkynhneigð á Íslandi?

2005-04-28T22:51:00.000Z

Þessa fyrirsögn las ég í Fréttablaðinu og vakti umsvifalaust áhuga minn, svo ég las. Greinin er eftir guðfræðing að nafni Jón Valur Jensson og tekst honum ekki að dylja fordómana þó hann reyni að skrifa faglega. Greinin er aðallega einhvers konar talna- og prósentusúpa og kemst hann að lokum að þeirri niðurstöðu að á Íslandi búi 3000 hommar og 1800 lesbíur eða um 1,6 prósent. Það gæti vel verið rétt þó að ég hafi iðulega rekist á 5-10 prósent þar sem ég hef lesið um algengi þessarar kynhneigðar minnar. Ástæða þess að hann er í þessum prósentuleik er sú að Þorvaldur Kristinsson, formaður Samtakanna 78 og Sverrir Páll Erlendsson, kennari hafa nýverið gefið upp þessar 5-10 prósenta tölur um algengi samkynhneigðar.
Hann talar um að algengt sé að við gerum mikið úr fjölda okkar til að þrýsta enn frekar á "síaukin" réttindi okkar. Hvað meinar maðurinn með síaukin réttindi? Hvað erum við að biðja um? Eitthvað meira en gagnkynhneigðir hafa? Nei, nákvæmlega það sama; skrá okkur í sambúð, gifta okkur, ættleiða börn, fara í tæknifrjóvgun, gefa blóð, fara í herinn, að um okkur sé fjallað í skólakerfinu. Jú, jú þetta eru síaukin réttindi en ósköp eðlileg og ekki sérréttindi.
Svo kemur maðurinn að því í hvaða stéttum þjóðfélagsins við finnumst.
Tilvitnun hefst:
"Margir þeirra eru hæfileikamenn í ýmsum stéttum, m.a. í hópi leikara, listamanna, rithöfunda og fjölmiðlamanna, ekki síst í stórborgum á austur- og vesturströnd Bandaríkjanna. Lífsstíll þeirra hefur því fengið verulega jákvæða kynningu í kvikmyndum og fjölmiðlaefni sem þaðan berst."
Tilvitnun lýkur.
Hvenær ætlar fólk að átta sig á því að við fyrirfinnumst alls staðar, í öllum stéttum, í öllum löndum. Kannski eru margir okkar í þessum upptöldu stéttum en mjög líklega svipað há prósenta og hjá gagnkynhneigðum. Fólk í áðurnefndum stéttum er áberandi í mannlífinu og þarf að vera svolítið opið til að sinna starfi sínu. Þetta er líklega ástæðan fyrir því að fólk heldur að við séum svona algeng í áðurnefndum stéttum.
Er kannski eitthvað að því að lífsstíll okkar (hver svo sem hann er) fái jákvæða umfjöllun? Ég get ekki séð það.
Ég veit reyndar ekki með þennan lífsstíl okkar. Ég vil ekki kalla samkynhneigð mína lífsstíl. Mér finnst það reyndar fáránlegt. Ég er hommi af því ég fæddist þannig ekki af því ég kaus mér það, og hana nú. Síðan get ég haft minn eigin lífsstíl óháð því hvern ég elska. Mér finnst líka asnalegt að tala um algengi samkynhneigðar, eins og þetta sé sjúkdómur eða eitthvað.
Ég held að kallinn ætti að lesa sér betur til eða fara og hitta samkynhneigða áður en hann fjallar svona óvarlega um okkur. Annars býst ég við svari frá Þorvaldi Kristinssyni.

Kveðja úr hommalandi þar sem tíðni samkynhneigðar er 100%

Usher Skarp

2005-04-24T18:48:00.000Z

Á miðvikudaginn fór ég ásamt eiginmanni mínum, Heiðari, í fyrirhugaða ránsferð heim að Hvanneyri. Var gist og köttur og bíll teknir traustataki daginn eftir. Kettlingnum virðist líða nokkuð vel í nýjum heimkynnum sínum. Hann hefur að vísu tvisvar sinnum hægt sér þar sem þess var ekki ætlast til af honum en virðist vera farinn að rata í kassann sinn. Að vísu hefur hann mest gaman af því að róta og klóra þar. Hann hefur sofið til fóta okkar og annars staðar í rúminu og á það til að ráðast á lappir okkar á næturnar þegar hann vaknar. Heiðar hefur ekki fengið góðan nætursvefn að undanförnu vegna þessa.

Atvinna

2005-04-09T10:57:00.000Z

Jæja, þá er maður kominn með vinnu loksins. VSÓ Ráðgjöf er verkfræðistofan og er ég þar á framkvæmdaráðgjafarsviði. Hef þó verið að vinna fyrir annað svið síðan ég byrjaði, en það var síðasta miðvikudag. Á fimmtudagsmorguninn vakti ég fyrrverandi bekkjarfélaga minn og núverandi vinnufélaga minn, hana SHE, upp með látum og ruddist inn á heimili hennar þar sem hún svaf værum blundi ásamt ektamanni sínum. Við höfðum nefnilega ákveðið að verða samferða í vinnuna daginn áður en hún býr rétt hjá mér. Þetta fór þó allt vel að lokum.
Nú þegar Hróbjartur Fischer er orðinn Íslendingur eins og ég og fleiri finnst mér að eigi að veita honum heimili í nágrenni við mig, nánar til tekið við Fischer-sund. Frægt er nefnilega orðið þegar Robbi tefldi við páfann í Fischer-sundi árið 1982 og bar sigur úr býtum. Varð gatan nefnd eftir honum eftir einvígið en hún hét áður Mjóagata.

Partý o.fl.

2005-04-02T18:03:00.000Z

Nú er verkfræðipartý nýafstaðið í mínum húsum. Ég held það hafi gengið ágætlega fyrir sig og ekki brotnaði nema eitt glas (og reyndar annað við tiltekt í dag). Var meira að segja borðstofunni breytt í fínasta dansgólf. Í dag bakaði ég hins vegar focacciurnar sem ég ætlaði mér að bjóða upp á í partýinu. Deigið hafði nefnilega ekki hefast nóg til að hægt hefði verið að baka það í gærkvöldi. Ég auglýsi hér með eftir næsta bekkjarpartý. Það er gaman að svona. Hver veit nema pis slái til?
Á morgun er ég að fara í fermingarveislu hjá Björgvini Ágústi sem er í liðveislu hjá mér. Það verður því væntanlega étið mikið af kökum (en þó ekki Kransakökum, eða hvað?) þar.
Venja er víst fyrir því að tilkynna afmæli á þessum bloggsíðum og því vil ég óska Reyni bróður mínum til hamingju með 16 ára afmælið um leið og ég kveð að sinni.

6 lítrar af bjór

2005-03-28T19:30:00.000Z

Ég afrekaði það í gær að drekka 6 lítra af bjór. Bjórinn var drukkinn á u.þ.b. 12 tímum. Ég varð að sjálfsögðu andskoti fullur en þó ekki út úr drukkinn og rænulaus og man svo til allt sem fór fram. Ég varð meira að segja ekki þunnur í dag og megnaði að fá mér rauðvín með kvöldmatnum í kvöld. Það undarlega við þetta fyllerí var kannski það að því var varið með Jóni Óskari síðasta hluta þess en sá piltur er bindindismaður andskotans. Stefnan er að sjálfsögðu tekin á 7 lítra um næstu helgi.
Ég skrapp heim að Hvanneyri í gær að skoða bíl sem ég ákvað að kaupa. Ég mun því líklega fara ránsferð heim að Hvanneyri bráðum til að hirða kött og bíl og færa heim í flóttamannabúðirnar mínar.

Kettlingar

2005-03-21T13:41:00.000Z

Ég fór um helgina heim að Hvanneyri en hafði ekki komið þangað síðan um jól. Heimiliskötturinn hafði gotið sína fyrsta goti fyrir um mánuði og var því ætlan heimsóknar þessarar ei síður að skoða kettlingagreyin en að heilsa upp á eldri ábúendur. Kettlingarnir eru einungis tveir talsins. Við Heiðar höfum ákveðið að ættleiða annan kettlinginn en hinn vantar enn heimili. Ef þið, lesendur góðir, viljið ekki hafa dauðan kettling á samviskunni getið þið haft samband við mig.
Mér tókst svo að fá magakveisu seinnipart laugardags og þurfti ég að selja einum sjö sinnum upp þar til óværan hvarf á brott. Ég hugsa að þetta sé sveitaloftið sem hafi haft þessi áhrif á mig. Ég er sennilega búinn að dvelja of lengi hér í Reykjavíkurborg.

henry

2005-01-22T01:29:00.000Z

blaaaaaaaaaaaaaaaaaaaaaaaaaaaaaaaa

Hvað með smá komment!

2005-01-21T00:08:00.000Z

Á ekkert að fara að kommenta á póstana mína? Koma nú ekki feimin. Ég er það ekki lengur. Ég læt ljós mitt skína, komið með lömbin mín. Leiðumst saman um net- og bloggheima.

Þetta er að virka

2005-01-21T00:04:00.000Z

Fyrstu bloggfærslur mínar bera augljós byrjendamerki. Vonum að það breytist í framtíðinni. Ég lofa engu því mér er illa við að svíkja en mun þó reyna að halda hér úti góðu málgagni sem gagnast mun okkur við nám, störf og leik. Látum reyna á það. Bjóðum Kransann velkominn í bloggheima.

Ferfalt húrra fyrir honum:
húrra, húrra, húrra, húrra!

Blobb

2005-01-21T00:00:00.000Z

blobb